சின்ன வயசுல அப்பா புதுவருச காலண்டர் வாங்கின உடனே முதல பாக்குற முக்கியமான விஷயம் தீபாவளி எப்ப வருது?
எத்தினி நாள் லீவு வருதுனுதான்…???
அப்பிடி பாத்து பாத்து தீபாவளியை ரசிச்சி கொண்டாடின கடைசி தலைமுறை நாம தான்,,,,
தீபாவளிக்கி 45 நாள் முன்னாடியே ஸ்கூல்ல பசங்ககிட்ட என்னா டிரஸ் எடுக்கணும்,,என்னா வெடிவாங்கணும்னுதிட்டம் போட்ட காலம் எல்லாம் இப்ப நினைச்சாலும் மனசு சின்ன புள்ளயா மாறிடும்,,,,
அதுலையும் வெங்காய வெடி & அணுகுண்டு வெடிக்கிறவனை எல்லாம் வாய பொளந்துகிட்டு பாப்போம்…
ஜீன்ஸ் எடுக்கணும் டீசர்ட் எடுக்கணும்னு பிளான் போட்டுட்டு கடைசிலா குடும்ப சூழ்நிலை காரணமா ஏதாவது ஒரு டிரஸ் கிடைச்சா போதும்னு அழுத நாட்கள் எல்லாம் இன்னும் கண்ணுக்குள்ளே இருக்கு…
என்னதான் இன்னிக்கி சொந்தமா சம்பாரிச்சி மெகா மார்ட்லையும், ரேமண்ட் ஷாப்புலையும் 3000ரூபாய்க்கி டிரஸ் எடுத்தாலும்,,,
அன்னிக்கி அப்பா தீபாவளிக்கி முதல் நாள் கூட்டிட்டு போய் எடுத்து குடுத்த 250ரூபாய் டிரஸ்சோட மதிப்பு எல்லாம் சொல்லவே முடியலே,,,,
அதே மாதிரி தீபாவளிக்கி ஒரு வாரம் முன்னாடி வீட்டுல முறுக்கு சுடுறப்ப அந்த திருவிழா கொண்டாட்டம் மனசுக்குள்ள வந்துரும்…
தீபாவளி முதல் நாள் கூட்டத்துல விடியற்காலை 3மணி வரை ஊரை ரவுண்ட் அடிச்சிட்டு வழியில பாக்குற தெரிஞ்ச பசங்களுக்கு தீபாவளி வாழ்த்து சொல்லிட்டு,,,
குட்டித் தூக்கம் போட்டுட்டு விடியற் காலையிலேயே எண்ணெய் தேய்ச்சி குளிச்சிட்டு புது டிரஸ் போட்டுகிட்டு…
நமக்கு கிடைத்த பங்கு பட்டாசை பத்திரமாக எடுத்து வந்து ஒவ்வான்றாக,பெரிய வீரனைப் போல் நீளமான ஊதுபத்தியால் பற்ற வைத்து வெடிக்கும் போது அப்பப்பா,,,
Fixed Menu,,சாதம் மிளகு ரசம் விடியற்காலையில சுடச் சுட,,
பட்டாசு களோபரம் முடிந்த பிறகு 8 மணிக்கு super Tiffen. பாட்டிதான் Gang leader. எல்லோரையும் அதட்டி உருட்ட.,,,
பிறகு உறவினர் நண்பர்கள் வீட்டுக்கு ஊர்வலம். புது சட்டையை காண்பிக்க, அப்படியே அவர்கள் வீட்டு பட்சணத்தை ருசி பார்க்க.
சினிமா டிக்கட் கிடைத்திருந்தால் நண்பர்களோடு போய் தியேட்டரையே வதம் பண்ணுவது.
அதெல்லாம் உலக நாயகன் சொல்லுறபடி ஆராயக்கூடாது அனுபவிக்கணும்,,,
இன்னும் எழுத எழுத நிறைய தோணுது…
இப்பவும் தீபாவளி கொண்டாடுறாங்க…
அடையார்ஆனந்தபவன்ல அரைகிலோ ஸ்வீட்டு வாங்கிட்டு.. அமேசான்ல டிரஸ் எடுத்துட்டு,,, கடமைக்கு தீபாவளி கொண்டாடிகிட்டு,,,,
சிலர் தீபாவளி அன்னிக்கு வீட்டை பூட்டிக்கிட்டு Tour,,,,
ஒண்ணு மட்டும் நிச்சயம் பணம், சம்பாத்தியம் & கார்ப்ரேட் வாழ்க்கைனு, ஒரு மாயவலையை உருவாக்கிவாழ்க்கையோட சின்ன சின்ன சந்தோஷங்களை அதுல இழந்துகிட்டு வரோம்…
எல்லாமே மெஷின் மாதிரி ஒரு இயந்திர வாழ்க்கை.
