அழகென்ற சொல்லுக்கு முருகா!
உந்தன் அருளன்றி உலகிலே
பொருளேது முருகா!
சுடராக வந்த வேல் முருகா!
கொடுஞ் சூரரைப் போரிலே
வென்ற வேல் முருகா!
கனிக்காக மனம் நொந்த முருகா!
முக்கனியான தமிழ் தந்த
செல்வமே முருகா!
ஆண்டியாய் நின்ற வேல் முருகா!
உன்னை அண்டினோர் வாழ்விலே
இன்பமே முருகா!
பழம் நீ அப்பனே முருகா!
ஞானப்பழம் உன்னை அல்லாது
பழம் ஏது முருகா!
குன்றாறும் குடி கொண்ட முருகா!
பக்தர் குறை நீக்கும் வள்ளல்
நீ அல்லவோ முருகா!
சக்தி உமை பாலனே முருகா!
மனித சக்திக்கே எட்டாத
தத்துவமே முருகா!
பிரணவப் பொருள் கண்ட திரு முருகா!
பரம் பொருளுக்கு குருவான
தேசிகா முருகா!
ஹரஹரா ஷண்முகா முருகா!
என்று பாடுவோர் எண்ணத்தில்
ஆடுவாய் முருகா!
அன்பிற்கு எல்லையோ முருகா!
உந்தன் அருளுக்கு எல்லை தான்
இல்லையே முருகா!
கண்கண்ட தெய்வமே முருகா!
எந்தன் கலியுக வரதனே
அருள் தாரும் முருகா!
அழகென்ற சொல்லுக்கு முருகா!
உந்தன் அருளன்றி உலகிலே
பொருளேது முருகா!
முருகா_சரணம்
