உலகம் முழுவதும் எல்லா ஊர்களிலும் பழைய புத்தக கடைகள் உள்ளது அல்லது பழைய புத்தகங்கள் விற்கும் கடைகள் இல்லாத ஒரு நகரம் இந்த உலகின் இல்லை.
மதுரை இரண்டாயிரம் ஆண்டுகளாக சங்கம் வைத்து தமிழை, இலக்கியத்தை வளர்த்த ஊர் என்பதால் இங்கே பழைய புத்தக கடைகள் என்பது இன்னும் விரிவானதாகவே இருக்கிறது
நியு சினிமா அருகில் மாதர்கான் தபேதார் தெரு மதுரையில் பழைய புத்தக கடைகளின் சங்கமமாகத் திகழ்கிறது,
ஒரே இடத்தில் 40க்கும் மேற்பட்ட பழைய புத்தக கடைகள் இங்கே மட்டும் இருக்கிறது.
உலகில் வெளியான எல்லா புத்தகங்களும் இங்கு கிடைக்கும் என்றால் மிகையில்லை.
நாவல், சிறுகதை, வரலாறு, காமிக்ஸ் தொடங்கி பொறியியல் படிப்பிற்கான பாட புத்தகங்கள் வரை இங்கு கிடைக்காத புத்தகங்கள் இல்லை.
ரீகல் தியேட்டர் வாசலில் உள்ள கடைகள், ஞாயிற்றுக்கிழமைகளில் மதுரை டவுன் ஹால் ரோட்டில் மட்டுமே முளைக்கும் கடைகள், அரவிந்த் மருத்துவமனை இலவச பிரிவின் வாசலில் உள்ள கடை என மதுரையின் ஐம்பதுக்கும் மேற்பட்ட சிறு கடைகள் ஆங்காங்கே உள்ளது.
எந்த ஊருக்கு சென்றாலும் அங்கு இருக்கும் பழைய புத்தக கடைகளை தேடிச் செல்லுங்கள்
