அனுஷம் என்பது வான மண்டலத்தில் விருச்சிக ராசி மண்டலத்தில் இருக்கும் நட்சத்திரம். நாம் கண்களில் காணும்போதும் கோயில் மணி போலவும், ஜிமிக்கி கம்மல் போலவும், தாமரை போலவும், ஆந்தை போலவும் காட்சி தரும். ஆகவே இதன் வடிவமாக கோயில் மணி, ஜிமிக்கி கம்மல், தாமரை, ஆந்தை ஆகியவற்றைக் கூறலாம்.
இதன் அதிபதி சனி கிரகம். இது சிவப்பு நிறத்தில் மேல்வானத்தில் பிரகாசமாக காணப்படும் நட்சத்திரம். இந்த நட்சத்திரத்தில் பிறந்த நபர்களுக்கு சனி திசையே முதலில் தொடங்கும். இந்த ராசியில் செவ்வாய் பலம் பெறுகிறது மற்றும் சந்திரன் பலம் இழக்கிறது. ஆகவே இந்த நட்சத்திரத்தில் பிறந்த நபர்களுக்கு சந்திரன் நீச்சம் அல்லது பலம் இழப்பது நன்மையானது அல்ல. எனவே இவர்கள் எந்தமாதிரியான தெய்வங்களை வணங்கவேண்டும் என்று பார்க்கலாம்.
கர்ணனின் ஜென்ம நட்சத்திரம் பூரட்டாதி. அதன் சம்பத்து நட்சத்திரம் உத்திரட்டாதி, அனுஷம் மற்றும் பூசம். இதில் பூரட்டாதியின் பூர்வ ஜென்ம சம்பத்து நட்சத்திரம் அனுஷம். இதன் வடிவம் குண்டலம்.
அதனால்தான் கர்ணனுக்கு பிறக்கும் போதே சூரியனால் குண்டலங்கள் கொடுக்கப்பட்டன. இது அவனது பூர்வ ஜென்ம புண்ணிய பலனாகக் கிடைத்த ஒன்றாகும். இது கர்ணன் உடலில் இருக்கும் வரை புகழ், செல்வங்களைக் கொடுத்தது.
பீஷ்மரின் கொடி – தாரை ரகசியம்
மஹாபாரதத்தில் ஒவ்வொரு கதாபாத்திரமும் தனது தாரை வடிவங்களை சரியாகப் பயன்படுத்தியது. அதற்கு உதாரணமாக குருக்ஷேத்திரப் போரில் அவர்கள் உபயோகித்த கொடிகளில் இருக்கும் உருவங்களை அறியலாம். நமக்கு ஏற்கெனவே தெரிந்த அர்ஜுனன் தேரில் இருக்கும்.
இன்னொரு உதாரணமாக, பீஷ்மரது தேரின் மீது இருக்கும் கொடியில் பனைமர உருவம் பதிக்கப்பட்டு இருக்கும். பீஷ்மரின் ஜென்ம நட்சத்திரம் உத்திராடம். பனைமரம் என்பது அனுஷ நட்சத்திர வடிவம். உத்திராடத்தின் திரிஜென்ம சாதக தாரை அனுஷம். சாதக தாரை என்பது நமக்கு சாதக சூழல் உருவாக்கும் நட்சத்திரமாகும்.
கர்ணன் தனது கொடியில் சங்குவடிவத்தைப் பதித்திருந்தான். சங்கு என்பது பரணி வடிவம். கர்ணனின் நட்சத்திரம் பூரட்டாதி. பரணி என்பது பூரட்டாதிக்கு பிரதியாக்கு தாரையாக வரும். அதாவது சிக்கல் தரும் தாரை. ஆகவே கர்ணன் போரில் பல சிக்கல்களை சந்தித்து வீரமரணம் அடைந்தான்.
பனைமர உருவத்தை அனுஷம், கேட்டை, விசாகம், உத்திரட்டாதி, ரேவதி, பூரட்டாதி, பூசம், ஆயில்யம், புனர்பூசம் நண்பர்கள் பயன்படுத்தி நற்பலன்களைப் பெறலாம்.
உத்திராடம், கார்த்திகை, உத்திரம் நட்சத்திர நண்பர்கள் இவற்றைப் பயன்படுத்தி நீண்ட கால சிக்கலுக்குத் தீர்வு காணலாம்.
