வாகனங்கள் அமெரிக்காவில் வலது புறமாக செல்ல வேண்டும், இங்கிலாந்தில் இடது புறமாக செல்ல வேண்டும் என்று எப்படி, எதை வைத்து தீர்மானித்தார்கள்?
ஆரம்ப காலங்களில் குதிரை வீரர்கள் குதிரைப்ப்பிடியை இடது கையாலும் வலது கையால் போர்வாளையும் பிடித்து செல்வார்கள். (வலது கை பாவனையாளர்களே உலகில் அதிகம் என்பது குறிப்பிடத்தக்கது)
அப்போது, எதிரில் வருவபருடன் போரிட இடது பக்கமாக பயனிப்பதே இலகுவாக இருக்கும். இலகுவாக உடலை வெளியே வளைத்து போரிடலாம். (இதே வலது என்றால் உடலை உள் வளைத்து போரிட வேண்டும்.)
பின்னர் மகிழுந்துகள் வந்ததும் இதே வகையை கைப்பிடிக்கையில் மகிழுந்தின் வேகக்கட்டுப்பாட்டை கட்டுப்படுத்த இடக்கையை பயன்படுத்த வேண்டி வந்தது, அதில் சிரமம் என்பதாலும் பொறிமுறை ரீதியில் சிக்கல் இருந்ததாலும் மாற்றாக வலது கை கட்டுப்பாட்டிற்கு கொண்டுவரப்பட்டது.
இடையில் குதிரை வண்டி வந்த போது பின்னால் வரும் வண்டிகளை கையாளவும் (வலது கை பழக்கமுள்ளவர்களுக்கு வலது கையால் கட்டுப்படுத்துவது இலகு.) இலகுவாக இருப்பதால் இம் முறை நெப்போலியன் காலத்தில் அவரால் கைப்பற்றப்பட்ட நாடுகளில் பழக்கப்படுத்தப்பட்டது. 1792–4 இல் பல நாடுகளில் சட்டமும் ஆக்கப்பட்டதாம்.
இங்கிலாந்து மட்டும் தன் முறையை தொடர்ந்து கட்டுப்பாட்டிற்குள் இருந்த நாடுகளிலும் பரப்பியது.
அமெரிக்கா இங்கிலாந்தின் பிடியிலிருந்து முழுமையாக விடுபட்ட பின்னர் இங்கிலாந்தின் அடையாளத்தை நீக்கும் ஒரு படியாகவும் வலப்பக்கம் மாறியது.
ஜப்பான் இங்கிலாந்தின் பிடியில் இருந்திராவிடினும் இடப்பக்கத்தையே பாவிக்கிறது.
