கேதார கெளரி விரதம் கந்த சஷ்டி ஆரம்பம்

கேதார கெளரி விரதம் கந்த சஷ்டி ஆரம்பம்

கேதார கெளரி விரதம் கந்த சஷ்டி ஆரம்பம் என்ன செய்யலாம்.?
🌹🌹🌹🌹🌹🌹🌹🌹🌹
கேதார கௌரி விரதம் என்பது சிவபெருமானை நினைத்து ஆண்டுதோறும் கடைபிடிக்கப்படும் முக்கியமான விரதம் ஆகும். கந்தசஷ்டி என்பது முருகக் கடவுள் சூரனை அழித்த பெருமையை சைவ சமயத்தவர்கள் கொண்டாடும் ஒரு விழாவாகும்.
🌹
அதன்படி கணவன்-மனைவி ஒற்றுமையை அதிகரிக்கும் கேதார கௌரி விரதமும், முருகப்பெருமானுக்கு முதன்மையான விரதமான கந்தசஷ்டி விரதமும் நாளை அக்டோபர் 25ஆம் தேதி (செவ்வாய்க்கிழமை) கடைபிடிக்கப்படுகிறது.
🌹
கேதார கௌரி விரதம் :
🌹
கேதார கௌரி விரதம் என்பது சிவபெருமானுக்குரிய விரதங்களுள் ஒன்றாகும். இவ்விரதம் ஒவ்வொரு வருடமும் புரட்டாசி மாத வளர்பிறையான தசமி (விஜயதசமி) முதல் ஐப்பசி அமாவாசை வரை மொத்தம் 21 நாட்கள் கடைபிடிக்கப்படுகின்றது.
🌹
விரத முறை :
🌹
ஆண்டுதோறும் புரட்டாசி மாதம் சுக்லபட்ச தசமியில் இவ்விரதத்தை ஆரம்பிக்க வேண்டும். 21 இழைகள் கொண்டதும், 21 முடிச்சுக்கள் கொண்டதுமான நூலினால் உருவாக்கப்பட்ட மந்திரக் கயிற்றை செய்துகொண்டு அன்று முதல் சிவபெருமானை மண்ணால் செய்யப்பட்ட விம்பத்திலும், கும்பத்திலும் பூஜித்து இவ்விரதத்தை அனுஷ்டிக்க வேண்டும்.
🌹
தூய்மையான இடத்தில் மண்ணால் செய்யப்பட்ட சிவலிங்கத்தை அமைத்து கும்பம் வைத்து வில்வம், பூக்கள் முதலியனவற்றால் அர்ச்சனை செய்ய வேண்டும்.
🌹
ஒவ்வொரு நாளும் கேதாரேஸ்வரனுக்கு 21 எண்ணிக்கை கொண்ட அப்பம், வடை, பழம், பாக்கு, வெற்றிலை, பாயசம், சர்க்கரை பொங்கல், புளிசாதம் முதலிய நைவேத்தியங்களை வைத்து தூப தீபம் காட்டியும், பூஜை செய்தும் கேதாரேஸ்வரரை வழிபடுதல் வேண்டும்.
🌹
21 நாட்களும் பூஜையில் வைக்கப்பட்ட 21 முடிச்சுக்கள் கொண்ட நூலினை அமாவாசை திதியில் இடது கையில் கட்டிக்கொள்ள வேண்டும். இவ்விரதத்தை ஆண், பெண் இருபாலாரும் அனுஷ்டிக்கின்றனர்.
🌹
இந்த நாளில் திருச்செங்கோட்டில் உள்ள அர்த்தநாரீஸ்வரரை வணங்குவது சிறப்பானது.
🌹
இந்த விரதத்தை 21 நாட்கள் கடைபிடிக்க முடியாதவர்கள் இறுதி நாளான ஐப்பசி அமாவாசை நாளில் மட்டும் அனுஷ்டிக்கலாம்.
🌹
கணவருக்கு தீர்க்க ஆயுள் கிடைக்க வேண்டியும், குடும்ப சுபிட்சம் வேண்டியும், கன்னிப்பெண்கள் நல்ல கணவர் அமைய வேண்டியும், குழந்தைப்பேறு வேண்டியும், ஆண்கள் மங்கலகரமான வாழ்க்கை அமைய வேண்டியும் இவ்விரதத்தை அனுஷ்டிக்கின்றனர்.
🌹
கந்தசஷ்டி ஆரம்பம் :
🌹
‘அழகென்ற சொல்லுக்கு முருகன்”…
🌹
‘குன்று இருக்கும் இடமெல்லாம் குமரன் இருப்பான்”…
🌹
எந்த வினையானாலும், கந்தன் அருள் இருந்தால் வந்த வழி ஓடும். அத்தனை சிறப்பு வாய்ந்த தமிழ் கடவுளான முருகப்பெருமானை நினைத்து மேற்கொள்ளும் முக்கிய விரதங்களுள் ஒன்று கந்தசஷ்டி விரதம்.
🌹
கந்தசஷ்டி திருவிழா ஐப்பசி அமாவாசையை அடுத்த ஆறு நாட்கள் கொண்டாடப்படுகிறது. அசுரர்களை அழிக்க சிவனின் நெற்றி பொறியில் இருந்து பிறந்த குமரன், சூரபத்மனை எதிர்த்து போரிட்டு வெற்றி பெற்றதன் அடையாளமாக இவ்விழா நடத்தப்படுகிறது.
🌹
அந்த வகையில் இந்த வருடம் (25.10.2022) செவ்வாய்க்கிழமை ஆரம்பமாகி (30.10.2022) ஞாயிற்றுக்கிழமையன்று நிறைவு பெறுகிறது.
🌹
நம்மிடம் உள்ள தீயகுணங்களான ஆணவம், மாயை, கன்மம், காமம், பேராசை, செருக்கு, மயக்கம், தற்பெருமை ஆகியவற்றை விடுத்து நற்குணங்களைப் பெறும் நோக்கில் இவ்விரதம் கடைபிடிக்கப்படுகிறது.