சில நேரங்களில்… மனிதரின் எண்ணங்களை கவனிக்கும்போது எனக்கு ஒரு கேள்வி தோன்றும்…
ஒரே நிகழ்வை இரண்டு பேர் ஏன் இரண்டு விதமாக பார்க்கிறார்கள்?
அதற்கான பதில்…
அவர்களின் குணம்…
அவர்களின் வாழ்க்கை அனுபவம்…
அவர்கள் படிக்கும் புத்தகங்கள்…
அவர்கள் பழகும் மனிதர்கள்…
அவர்கள் நம்பும் மதிப்புகள்…
இவை எல்லாமே சேர்ந்துதான் அவர்களின் எண்ணங்களை உருவாக்குகின்றன.
அதனால்…
ஒவ்வொருவரின் பார்வையும் வித்தியாசமாக இருப்பது இயல்புதான்.
ஆனால்…
சிலர் இருக்கிறார்கள்…
“நான் செய்வது மட்டுமே சரி…”
“நான் சொல்வது மட்டுமே உண்மை…”
“நான் நினைப்பது மட்டுமே நல்லது…”
என்று நம்பிக்கையுடன் வாழ்கிறார்கள்.
தன்னம்பிக்கை இருப்பது நல்லது. தன் கருத்தில் உறுதியாக இருப்பதும் நல்லது.
ஆனால்…
“என்னைத் தவிர மற்ற அனைவரும் தவறு…”
என்ற எண்ணம் வந்துவிட்டால்…
அது தன்னம்பிக்கை இல்லை…
அது கற்றுக்கொள்ளும் கதவை மூடிவிடும் மனநிலை.
ஒரு தலைவர்…
ஒரு தொழில்முனைவோர்…
ஒரு நல்ல மனிதர்…
அவரின் மிகப்பெரிய பலம்…
“நான் சரியாக இருக்கலாம்… ஆனால் மற்றவரின் பார்வையிலும் ஒரு உண்மை இருக்கலாம்.”
என்று ஏற்றுக்கொள்ளும் மனப்பக்குவம்தான்.
ஏனெனில்…
உண்மை ஒன்று தான்…
ஆனால்…
அதைப் பார்க்கும் கோணங்கள் பல.
நாம் சரியாக இருப்பதை விட…
மற்றவரின் பார்வையையும் புரிந்து கொள்வது இன்னும் நம்மை பலமாக ஆக்கும்….
